अन्तर्राष्ट्रिय मुद्रा कोषले पाकिस्तानलाई चारवटा शर्त मानेमा मात्र ऋणको नयाँ किस्ता दिने बताएको छ । 

कोषको ऋण नपाउँदा पाकिस्तानी मुद्रा रुपैयाँ डलरको तुलनामा स्वाट्टै घटेको छ । बिहीवार पाकिस्तानी मुद्रा लगभग १९ रुपैयाँ घटेर एक डलर बराबर २८४.८५ रुपैयाँमा झरेको छ । 

पाकिस्तान सरकार र आईएमएफबीच ऋणको विषयमा रहेको मतभेदका कारण ऋण पाउन मुश्किल देखिएको छट । आईएमएफले आफूहरूलाई मगन्ते जस्तो व्यवहार गरिरहेको पाकिस्तानी अधिकारीहरूले आरोप लगाएका छन् । 

पाकिस्तान अहिले गम्भीर आर्थिक संकटमा फसेको छ । उसको विदेशी मुद्रा सञ्चिति जम्म तीन अर्ब डलर छ । यसले जम्मा तीन हप्तासम्म सामान आयात गर्न मिल्छ । 

यस्तो स्थितिमा आईएमएफको ऋण तत्कालै आवश्यक छ । यसबाट पाकिस्तानले १.२ अर्ब डलरको किस्ता पाउनृछ अनि साउदी अरब तथा यूएईबाट पाउने ऋणको बाटो पनि खुल्नेछ ।