२९ जेठ २०८३, शुक्रबार
भारतको राजधानी दिल्लीका पूर्व उपमुख्यमन्त्री मनीष सिसोदियाको धरौटीमा रिहा हुन पाऊँ भनी परेको निवेदनमा शुक्रवार सुनुवाइ हुँदैछ ।
त्यसअघि मुख्यमन्त्री अरविन्द केजरीवालले एउटा ट्वीट गरी मोदी सरकारलाई हिरण्यकश्यपसँग तुलना गर्दै आक्रमण गरेका छन् ।
उनले लेखे, ‘हिरण्यकश्यप आफूलाई भगवान् ठान्न थालेको थियो । उसले प्रह्लादलाई ईश्वरको बाटोमा जानका लागि अनेकौं प्रयत्न गरेको थियो, अत्याचार गरेको थियो । अहिले पनि केही मानिस आफूलाई भगवान् मान्दैछन् । देश र बालबालिकाको सेवा गर्ने प्रह्लादलाई उसले कारागृहमा राखेको थियो । तर प्रह्लादलाई त्यतिखेर रोक्न सकिएको थिएन, अहिले पनि रोक्न सक्दैनन् ।’
यसरी केजरीवालले सिसोदिया र सत्येन्द्र जैनको तुलना भगवान् विष्णुका परम भक्त प्रह्लादसँग गरे ।
सिसोदियालाई केन्द्रीय अनुसन्धान निकाय सीबीआईले मदिरा घोटालाको आरोपमा पक्राउ गरेको थियो । उनलाई अहिले न्यायिक हिरासतका लागि तिहाड जेलमा राखिएको छ ।
