०५ साउन २०८३, मंगलबार
कोभिड महामारी रोक्नका लागि सीमामा कठोर बन्देज लगाएको चीनले विदेशीहरूको आगमन सहज बनाउन सीमा पूरै खोलेको छ ।
सोमवार अमेरिकास्थित चिनियाँ दूतावासले राखेको विज्ञप्तिमा चीनले बुधवारदेखि विदेशीहरूका लागि सबै कोटाका भिसा जारी गर्ने जानकारी दिइएको छ ।
चीनले जिरो कोभिड नीति खुकुलो बनाएपछि बढेको संक्रमणमाथि निर्णायक विजय प्राप्त गरिएको चिनियाँ अधिकारीहरूले बताएका छन् ।
महामारी नियन्त्रण उपायका कारण शिथिल बनेको अर्थतन्त्रलाई उकास्नका लागि चीनले पर्यटन उद्योगलाई पुनरुत्थान गर्न खोजेको छ ।
चीनले विदेशीहरूलाई क्वारेन्टीनमा बस्नुपर्ने व्यवस्थालाई गत जनवरी महिनामा नै हटाइसकेको थियो । त्यसलाई चिनियाँ नागरिकहरूले खुशियालीका साथ स्वागत गरेका थिए । विदेशमा रहेका आफन्तसँग भेट्न पाउने आशामा उनीहरू प्रफुल्लित भएका हुन् ।
तर चीन जाने विदेशीहरूले आफ्नो देश छोड्नुभन्दा ४८ घन्टाअघि कोभिड परीक्षण गर्नुपर्छ अनि स्वास्थ्य सम्बन्धी फारममा परीक्षणको नतिजा भर्नुपर्छ ।
