१० असार २०८३, बुधबार
प्रमुख प्रतिपक्षी दल नेकपा एमालेले प्रधामनन्त्री पुष्पकमल दाहाल ‘प्रचण्ड’लाई विश्वासको मत नदिने भएको छ ।
यसबारे औपचारिक निर्णय लिन एमाले संसदीय दलको बैठक संसद् भवन नयाँ बानेश्वरमा बस्दैछ ।
सोमवार दिउँसो १ बजे बस्ने प्रतिनिधिसभा बैठकमा प्रचण्डले विश्वासको मत लिने कार्यसूची छ ।
आइतवार संसद् बैठकबाट बाहिरिने क्रममा प्रचण्डले संसद्का सबै सदस्यको समर्थन पाउने आशा व्यक्त गरेका थिए ।
शतप्रतिशत सांसदको समर्थन पाउने आशा राखेका प्रचण्डले एमालेसँग औपचारिक रूपमा विश्वासको मतका लागि प्रस्ताव समेत राखेका छैनन् ।
संसद्को बैठकमा हुने सम्बोधनका क्रममा प्रधानमन्त्रीले एमालेसँग विश्वासको मतका लागि आग्रह गर्ने उनका एक सहयोगीले जानकारी दिए ।
एमालेले भने प्रधानमन्त्रीको विश्वासको मतको विपक्षमा मतदान गर्ने तयारी गरेको छ ।
एमाले संसदीय दलका उपनेता सुवास नेम्वाङले यसअघि नै आफूहरूले निर्णय गरेर सरकारबाट बाहिरिएको बताए ।
प्रधानमन्त्रीले सबै सांसदको समर्थन पाउने बताउनु भएको छ नि भन्ने जिज्ञासामा नेम्वाङले हाँस्दै भने, ‘होला नि !’
नेपाली कांग्रेस, नेकपा एस, जसपा र लोसपा लगायतले प्रचण्डलाई विश्वासको मत दिने निर्णय गरिसकेका छन् ।
