०१ साउन २०८३, शुक्रबार
शाङ्हाई कोअपरेशन अर्गनाइजेशन अन्तर्गत साझा बौद्ध विरासत शीर्षकमा भारतले गत साता एउटा सम्मेलनको आयोजना गरेको द हिन्दू पत्रिकाले खबर दिएको छ ।
उक्त सम्मेलनमा रुस, चीन, पाकिस्तान, ताजिकिस्तान, बेलारुस, बहराइन, म्यान्मार, संयुक्त अरब अमिरात (यूएई) र कजाकस्तानका विद्वान् तथा विज्ञहरू सहभागी थिए ।
भारतले अबका केही महिनापछि विश्व बौद्ध सम्मेलनको पनि आयोजना गर्नेछ ।
मार्च १४ र १५ मा भएको सम्मेलनको आयोजना भारतको संस्कृति मन्त्रालय, विदेश मन्त्रालय र अन्तर्राष्ट्रिय बौद्ध महासंघले गरेका थिए ।
‘परासांस्कृतिक सम्पर्क पुनःस्थापना गर्ने, मध्य एसियाको बौद्ध कला, शैली, पुरातात्त्विक स्थल र एससीओ मुलुकमा रहेको संग्रहालयका प्राचीन वस्तुको अध्ययन गरी साझापन खोज्ने उद्देश्य सम्मेलनले लिएको छ,’ महासंघले जारी गरेको बयानमा उल्लेख छ ।
एससीओ मुलुकहरूका बीचमा साझा सांस्कृतिक सम्बन्ध बनाउन बौद्ध धर्म उपयोगी हुने सम्मेलनका क्रममा एक अधिकारीले बताएको द हिन्दू लेख्छ ।
