भारतीय सेनाको नर्दन आर्मी कमान्डर लेफ्टिनेन्ट जनरल उपेन्द्र द्विवेदीले लद्दाखमा रहेको वास्तविक नियन्त्रण रेखामा यथास्थिति कायम रहेको बताएका छन् । 

विभिन्न तहमा वार्ताहरू चलिरहेको पनि उनले बताए । 

उधमपुरमा रहेको नर्दन कमान्डका जनरल अफिसर कमान्डिङ–इन–चीफ द्विवेदीले मंगलवार भेटरन्स सम्पर्क भेलामा सम्बोधन गर्ने क्रममा यो कुरा बताएका हुन् । 

भारतीय सेना र चिनियाँ जनमुक्ति सेना सन् २०२० को मे देखि वास्तविक नियन्त्रण रेखाका विभिन्न स्थानमा आमनेसामनेको स्थितिमा छन् ।

पाकिस्तानसँगको नियन्त्रण रेखामा युद्धविराम निरन्तर रहेको पनि द्विवेदीले बताए । पाकिस्तानबाट घुसपैठको प्रयास भए पनि भारतीय सेनाले त्यसलाई सफलतापूर्वक रोकेको उनले बताए ।