२३ असार २०८३, मंगलबार
नव नियुक्त प्रहरी महानिरीक्षक (आईजीपी) बसन्तबहादुर कुवँरले अपराध र अपराधीसँग सम्झौता नगर्ने बताएका छन्
आज (आइतबार) गृहमन्त्रालयमा कुँवरलाई आईजीपीको दर्ज्यानी चिह्न लगाइएको थियो।
शुक्रबार सरकारले वरीयातको पहिलो नम्बरमा रहेका कुँवरलाई आईजीपीमा बढुवा गरेको थियो । आज उनलाई गृहसचिवले दर्ज्यानी चिह्न प्रदान गरेका हुन् ।
आईजीपी कुवँरले प्रहरीमा सुधार आवश्यक रहेको भन्दै आफ्नो कार्यालयमा प्रहरीमा हुने गल्ती कमजोरीलाई सुधार्ने प्रतिबद्धता गरेका छन् । कार्यक्षमता मूल्यांकनमा आधारमा प्रहरीको क्षमतामा अभिवृद्धिलागायत विषयमा विशेष ध्यान दिने आईजीपीले बताए ।
‘मेरो कार्याकालमा कार्यसम्पादन मूल्यांकनलाई विशेष ध्यान दिनेछु,’ कुँवरले भने ।
देशमा भएका नयाँ नयाँ अपराधको चुनौती थपिएको र त्यसका लागि देशमा सुरक्षाको अमनचयन र गुनासो नआउने गरी काम गर्ने प्रतिबद्धतासमेत उनले जनाए।
सफल अनुसन्धान गर्न, शान्ति राख्न प्रहरी अगाडि रहे पनि सरोकार निकायबाट सहयोगको अपेक्षा गरेको उनले बताए ।
उनले आफूले गरेका प्रतिबद्धतालाई कार्यान्वयनमा लैजान प्रहरीका उच्च अधिकृतहरूको एउटा सुपरभिजनका लागि समूह बनाएर काम गर्ने बताए।
