१० साउन २०८३, आइतबार
राष्ट्रिय स्वतन्त्र पार्टीका सभापति रवि लामिछानेले पार्टी तत्काल सरकारमा नजाने बताएका छन् । स्थिरता र समग्र विषयलाई ध्यान दिँदै उपनिर्वाचनपछि भने यसबारे सोच्न सकिने उनको भनाइ छ ।
शनिबार आयोजित पत्रकार सम्मेलनमा उनले सरकारमा सहभागी हुनका लागि भ्रष्टाचार नियन्त्रणसम्बन्धी विषय सरकारको नीति तथा कार्यक्रममा आउनुपर्ने पार्टीको पहिलो सर्त भएको बताए । कुनै पनि कालखण्डमा भएको भ्रष्टाचारको फाइल खोलिनुपर्ने विषय नीति तथा कार्यक्रममा आउनुपर्ने उनको भनाइ छ ।
उनले भने, ‘सबै विषयलाई हेरेर र मुलुकको स्थिरतालाई पनि ध्यानमा राखेर हामी निर्णय गछौँ । तर पहिला एकको बदला तीन गरेर मात्रै थप निर्णय हुन्छ, अहिले विचाराधीन नै अवस्थामा छौँ ।’ पार्टीले सबै निर्णय गर्दा मुलुकको हितलाई ध्यानमा राख्ने उनले बताए ।
