१८ असार २०८३, बिहीबार
अफगानिस्तानमा रहेका बेलायती दूतावासका कर्मचारीलाई सुरक्षा दिने नेपाली सुरक्षागार्डलाई बेलायतबाट निकाल्ने तयारी चलेको द गार्डियन पत्रिकाले खबर दिएको छ ।
सन् २०२१ को अगस्टमा काबुलबाट बेलायत लगिएका ती गार्डहरूलाई सुनक सरकारले निकाल्न लागेको हो ।
काबुल तालिबानको कब्जामा पुगेपछि एघारजना नेपाली र दुई भारतीय सुरक्षा गार्डलाई बेलायत लगिएको थियो । तीमध्ये केहीलाई लामो समयसम्मका लागि बेलायतमा रहन दिइएको थियो भने अरूको बारेमा निर्णय लिन बाँकी छ ।
बमबहादुर गुरुङ नामक ३७ वर्षीय नेपाली गार्डले अफगानिस्तानमा एक दशकभन्दा बढी समय काम गरेका थिए । उनी पहिला सुरक्षा गार्ड अनि पछि काबुलमा रहेका बेलायती र क्यानेडियन दूतावासको सुरक्षा प्रबन्धक थिए ।
उनले बेलायतमा स्थायी बसोबासको निवेदन दिएका थिए र त्यसको प्रक्रिया अघि बढेको थियो । तर जुन २०२२ मा उनलाई एउटा ईमेल पठाएर काबुलबाट सद्भावका साथ ल्याइएको तर अब उनले बेलायत छोड्नुपर्ने भनी बताइयो ।
गत मार्च २७ मा उनलाई पक्राउ गरेर हिरासतमा राखिएको थियो ।
अप्रिल ११ मा उनलाई बेलायतबाट जबर्जस्ती निकालिने भनिएको छ ।
