विवाह गरेको दशक बितिसक्दासम्म घरपरिवार ठीकठाकै चलेको थियो तर डीएनए परीक्षण गराउँदा अचानक छुट्टै रहस्य खुलासा भयो ।

अमेरिकाबाट आएको खबरअनुसार १० वर्षअघि विवाह गरेको जोडी १७ वर्षदेखि एकअर्कासँग परिचित थियो । विवाहपछि दुवैका ३ बच्चा पनि भएका छन् । दुवै जना खुशीसाथ परिवार चलाइरहेका थिए ।

पत्नी सेलिनाले आफ्नो र पतिको डीएनए जाँच गर्ने निधो गरिन् । उनलाई थाहा थिएन कि डीएनए रिपोर्टले ठूलो धक्का दिनेवाला थियो । पत्नी सेलिना र पति जोसेफको डीएनए जाँचबाट दुवै जना दाइबहिनी रहेको खुलासा भएको अन्तर्राष्ट्रिय सञ्चारमाध्यमले जनाएका छन् ।

हालै उनले सामाजिक सञ्जालमा यसबारे जानकारी दिएकी छन् । उनले अरु पतिपत्नीलाई पनि डीएनए जाँच गर्न सुझाव दिएकी छन् । कतिपयले दुवैलाई अलग हुन सुझाव पनि दिइरहेका छन् । उनले भनिन्, ‘डीएनए जाँचको रिपोर्ट खतरनाक थियो तर हाम्रो प्रेम पहिलेभन्दा बढी बलियो भएको छ ।’ दाइबहिनी भएको थाहा पाएपछि सम्बन्धविच्छेद गर्नुपर्ने भनेर आइरहेका नकारात्मक कमेन्टलाई दुवैले नजरअन्दाज गरेका छन् ।