२९ जेठ २०८३, शुक्रबार
चीनको विशाल प्रविधि कम्पनी अलीबाबा ग्रुपले तोङ्यी छ्यानवन नामक च्याटबोट सार्वजनिक गरेको छ ।
संसारभरि तहल्का मच्चाइरहेको च्याटजीपीटीलाई चुनौती दिन चीनले यसलाई ल्याएको बताइएको छ ।
‘जेनेरेटिभ एआई र क्लाउड कम्प्युटिङले अहिलेको प्रविधिलाई डोहोर्याइरहेको छ र सबै क्षेत्रले अग्रता हासिल गर्न इन्टेलिजेन्सलाई अंगाल्नुपर्ने भएको छ,’ अलीबाबाका अध्यक्ष चाङ योङले बताए ।
अलीबाबाले सन् २०१९ मा ल्यांग्वेज मोडलको अनुसन्धान थालेको थियो । नयाँ उत्पादन कम्पनीको डिङटक नामक मेसेजिङ यापमा जडान गरिनेछ । यसले बैठकको नोट, कविता, ईमेल, बिजनेस प्रस्ताव सबैथोक बनाइदिन्छ ।
चीनका अन्य ठूला प्रविधि कम्पनीहरू पाइतु, टेन्सेन्ट र नेटईजले पनि एआई च्याटबोट बनाउन थालेका छन् ।
