×

NMB BANK
NIC ASIA

बारा- २ को चुनाव

मैले त प्रतिस्पर्धी नै देखेको छैन, मप्रति जनताको अपार श्रद्धा छ– उपेन्द्र यादव [अन्तर्वार्ता]

बैशाख ४, २०८०

NTC
Sarbottam
Premier Steels
Marvel

जनता समाजवादी पार्टी (जसपा) का अध्यक्ष उपेन्द्र यादव अहिले बारा-२ मा  पाँचदलीय सत्ता गठबन्धनको साझा उम्मेदवार छन् ।

Muktinath Bank

सप्तरी- २ मा जनमत पार्टीका अध्यक्ष डा. सीके राउतसँग पराजित भएपछि उनी बारा- २ मा उम्मेदवार बनेका हुन् ।


Advertisment
RMC TANSEN
IME BANK INNEWS
shivam ISLAND

यस क्षेत्रबाट निर्वाचित रामसहायप्रसाद यादव उपराष्ट्रपति बनेपछि उपचुनाव गरिएको हो ।


Advertisment
Nabil box
Kumari

कतिपयले यसलाई उपेन्द्रका लागि भनेर गर्न लागिएको उपचुनावका रूपमा पनि व्याख्या गरेको सुनिन्छ ।

Vianet communication
Laxmi Bank

उपेन्द्र दिनरात नभनी चुनावी अभियानमा खटेका छन् ।

सोमवार बाराको बउआइन गाउँमा घरदैलोका क्रममा भेटिएका उपेन्द्रसँग लोकान्तरकर्मी अजय अनुरागीले कुराकानी गरेका छन् ।

प्रस्तुत छ, कुराकानीको सम्पादित अंश:

चुनावी प्रचारप्रसारका क्रममा अहिले घरदैलोमा हुनुहुन्छ । कस्तो माहोल पाउनुभएको छ ?

जनतामा अत्यन्त उत्साह, अत्यन्त उमंग छ । उहाँहरूले महान् चाडपर्व आएजसरी लिएको पाएको छु । जनताको अपार श्रद्धा, सहानुभूति र माया पाएको छु ।

अहिले चुनावमा के एजेन्डा लिएर जानुभएको छ?

मैले मेरो आफ्नो एजेन्डाभन्दा पनि जनताकै एजेन्डा लिएर गइरहेको छु । विद्यालयमा पढाइ होस्, अस्पतालमा उपचार होस्, खेतमा सिञ्चाइ होस् । बेरोजगारी समस्या समाधान होस् । अर्थात् विकासको कुरालाई मैले एजेन्डा बनाएको छु ।

त्यसबाहेक समावेशिताको एजेन्डा अहिले पूरा भएको देखिँदैन । त्यसकारण यी नै मूलभूत सबाल लिएर चुनावमा गएको छु । जनताका मुद्दा जनताबाटै लिएर जनतासमक्ष जाने काम गरिरहेको छु ।

चुनावमा कोसँग कस्तो प्रतिस्पर्धा हुने देखिरहनुभएको छ?

खोई, प्रतिस्पर्धीहरू खोज्दा पनि कहीँ कतै भेटिएको छैन । तपाईंहरूले भेट्नुहोला, तर मैले त भेट्न सकेको छैन । जनताको अपार समर्थनका अगाडि कसले प्रतिस्पर्धा गर्न सक्छ र ?

तपाईं बाहिरको उम्मेदवार भएकाले स्थानीय उम्मेदवारलाई नै सहज हुने हो कि भन्ने आकलन गरिएको छ । तपाईंलाई बाहिरिया भनिरहेका छन् नि?

अब बाहिरिया भनेपछि कहाँको ? युरोप, अस्ट्रेलिया, अमेरिका वा कहाँको ? एउटै देशको नागरिक बाहिरको र भित्रको हुन्छ ? त्यो भन्नु नै गलत हो । सैद्धान्तिक, वैचारिक, राष्ट्रिय मुद्दाका आधारमा अगाडि नआएर, भित्रको, बाहिरको, यो जिल्लाको, त्यो जिल्लाको, यो जातको, त्यो जातको, यो टोलको, त्यो टोलको भन्नु सिद्धान्तविहीन राजनीति हो । विचारविहीन, नैतिकताविहीन राजनीतिज्ञले मात्र त्यस्ता कुरा गर्छन् ।

null

विगतमा गठबन्धन हुँदा मत ट्रान्सफर नभएको,अन्तरघात भएको कुराहरू आएका थिए । यसपटक कांग्रेससहित गठबन्धन सहयात्रीहरूको मत कत्तिको पाउँछु भन्ने विश्वास छ ?

होइन, त्यस्तो कुनै आशंका नगरे पनि हुन्छ । कांग्रेससहित पाँचदलीय गठबन्धनका साथीहरू एकसाथ छौं । एकसाथ हिँडिरहेका छौं । अन्तरघात कसका लागि गर्ने ? कुनै सम्भावना पनि छैन । त्यसको कुनै आवश्यकता नै छैन ।

तपाईंजस्तो हेभीवेट नेतालाई पनि पाँचदलीय गठबन्धनको बैसाखी आवश्यक किन पर्‍यो ?

अब देश नै विनागठबन्धन चल्दैन । कुनै एउटै पार्टीले यत्रो जटिल समस्यालाई हल गर्न सक्दैन । मिलेर नै सम्भव छ । एक्लै हिँड्नुभन्दा मिलेर नै हिँड्नु राम्रो नि, होइन र ? एक्लाएक्लै हिँडेर त देश बन्दैन ।

गत चुनावमा तपाईंले नेकपा एमालेसँग गठबन्धन गर्नुभएको थियो । अहिले फेरि उपचुनावमा सत्ता गठबन्धनमा आउनुभएको छ । यति छिटो किन गठबन्धन परिवर्तन गर्नुपर्‍यो ?

एमालेसँग गठबन्धन थिएन, सीटको तालमेल मात्रै थियो, त्यो पनि केही सीटमा । अहिलेको गठबन्धन त हामीले नै बनाएको हो नि । शुरूदेखि नै बनाएर ल्याएको हो । बीचमा मात्र एकाध सीटमा तालमेल गरेको हो ।

सप्तरीमा पराजित भएपछि तपाईंले नै लोकान्तरसँगको अन्तर्वार्तामा जनताले उपेन्द्र संसदमा नजाउन्, रेभोलुसनरी उपेन्द्रको भूमिकामा, पार्टी र संगठनको भूमिका रहुन् भन्ने जनादेश दिएको भन्नुभएको थियो । तर, अहिले फेरि उपचुनावमा होमिनुभएको छ नि !

एजेन्डा र मुद्दाको हिसाबले हाम्रो पार्टी रेभोलुसनरी नै हो । अहिले पनि रेभोलुसन इन्कम्प्लिट नै छ । अहिले पनि सामन्ती उत्पीडन छँदैछ । भ्रष्टाचार, लुटतन्त्र छँदैछ । अझै पनि भूमिसुधार हुन सकेको छैन । अझै पनि विपन्न जनताले न्याय पाउनसकेको छैन । यो पनि त रेभोलुसन नै हो नि ! रेभोलुसन भनेको खाली मारधार र फाइट मात्रै त होइन नि !

ग्रीन रेभोलुसन, व्हाइट रेभोलुसन, कल्चरल रेभोलुसन, इकोनोमिक रेभोलुसन पनि हुन्छ नि ! पोलिटिकल रेभोलुसनमा त धेरै अगाडि बढ्यौं तर सोसल र इकोनोमिकल रेभोलुसनलाई अगाडि बढाउनुपर्छ । त्यो भनेको विकाससँग जोडिएको हो । हरित क्रान्ति, स्वेत क्रान्ति किन नगर्ने ? त्यसैले त हाम्रो पार्टी समाजवादी हो ।

२०६४ सालदेखि पटक–पटक संघीय सरकारमा सहभागी हुनुभएको छ । र, पछिल्लो ५ वर्षदेखि मधेश प्रदेश सरकारको नेतृत्व नै तपाईंको पार्टीले गरेको छ । तर, कुनै पनि काम गर्न सक्नुभएको छैन भनेर प्रतिस्पर्धीहरूले भनिरहेका छन् नि ?

भन्नेहरूले के बुझ्नुपर्छ भने २५० वर्षको अन्धकार युगबाट भर्खर नेपाल जागृत भएर जनताहरू नागरिक अधिकारको उपभोग गर्दै अगाडि बढ्न थालेका छन् । त्यो थाल्नेबित्तिकै त गन्तव्यमा पुगिँदैन । त्यसले एउटा कोर्स लिन्छ । त्यति पनि नबुझ्नेहरू प्रतिद्वन्द्वी र प्रतिपक्षी हुनसक्छ त ?

null

संसदमा छिर्नका लागि र उपप्रधानमन्त्री बन्नकै लागि आफ्नै क्याडरको राजनीतिक जीवन समाप्त पारेर उपराष्ट्रपति बनाई अगाडि बढ्नुभयो भन्ने आरोप पनि सुनियो नि !
होइन, होइन, त्यस्तो कुरा होइन । सहकार्य गरेर राष्ट्र निर्माणमा अगाडि बढ्ने हो । अरू केही नपाएर यस्ता प्रचार गरिरहेका छन् ।

संघीय सरकारमा एउटा मन्त्रालय बाँकी राख्नुभएको छ । तपाईं आफैं उपप्रधानसहित वन मन्त्री बन्न खोज्नुभएको हो ?
दुईवटा खाली छ । दुईवटा मन्त्रालय र एक राज्यमन्त्री पाएका छौं । मेरो लागि खाली राखिएको हैन । अब चुनावलगत्तै त्यो फुलफिल हुन्छ । चुनावको कारण नभ्याएर खाली भएको हो ।

तपाईंले चुनाव जित्नुभयो भने आफैं मन्त्री बन्ने सम्भावना छ ?

अहिले हाम्रो पार्टीमा त्यस्तो कुनै छलफल वा निर्णय भएको छैन । त्यस विषयमा मैले सोचेको पनि छैन ।

मधेश प्रदेशमा सरकारको नेतृत्व फेरिने, तपाईंहरूले सत्ता कांग्रेस वा लोसपामध्ये कुनै एकलाई हस्तान्तरण गर्ने भद्र सम्झौता भएको भनिएको छ । के त्यो सत्य कुरा हो?

होइन, अहिले कुनै सम्झौता भएको छैन । आलोपालो सरकारको नेतृत्व गर्ने कुरा भएको छ ।

आलोपालो कोसँग ? कांग्रेस, लोसपा वा जनमत कोसँग ?

कुनै पनि पार्टीको बहुमत केन्द्रमा पनि छैन, यहाँ प्रदेशमा पनि छैन । त्यसैले प्रदेशमा आलोपालो हुने हो । त्यो गठबन्धनले गर्ने निर्णयको आधारमा हुन्छ । त्यस विषयमा अहिले गठबन्धनमा कुनै निर्णय भएको छैन ।

प्रदेश सरकार चुनावलगत्तै फेरिने हो वा साढे २ वर्षपछि ?

चुनावलगत्तै फेरिन्छ भनेर हल्ला चलाउनु बेकारको कुरा हो । गठबन्धनले आवश्यक ठानेको बेलामा निर्णय गरेर फेरबदल हुनसक्छ । तर, निश्चित अवधिका लागि एउटाले, त्यसपछि अर्को अवधिको लागि अर्कोले नेतृत्व लिने हो । त्यसको एउटा सूत्र नै बन्छ, सोही आधारमा हुने हो । अहिले कुनै सूत्र बनिसकेको छैन । त्यो बाहिरी हल्ला मात्र हो ।

जनमत पार्टी अहिले पनि मधेश प्रदेशमा छँदैछ । यहाँ उपचुनावमा तपाईंहरूबीच प्रतिस्पर्धा पनि भइरहेको छ । के भन्नुहुन्छ ?
हामी प्रतिशोधको, असहिष्णुताको, घृणाको, विद्वेषको राजनीति गर्दैनौं भन्ने यसले पनि प्रमाणित गर्छ नि !

नेकपा एमालेलाई पनि प्रदेश सरकारबाट हटाउन निकै समय लगाउनु भयो नि !

ठीक टाइममा हटाएको हो ।

त्यसो हो भने एमालेसँगको सहकार्य तोडियो होइन ?

अब हाम्रो आफ्नै गठबन्धन भइसकेपछि अर्को गठबन्धनको आवश्यकता छैन । अब राष्ट्रिय मुद्दामा, अन्तर्राष्ट्रिय मुद्दामा, राष्ट्र हितमा एमालेसँग सहकार्य हुन सक्छ । तर, गठबन्धनले नै त्यस्तो सहकार्य गर्छ ।

एकातर्फ पाँचदलीय गठबन्धनले तपाईंलाई जिताउन अभियान चलाएको देखिन्छ भने अर्कातर्फ उपेन्द्र यादवलाई जसरी पनि हराउनुपर्छ भनेर अभियान चलाएको पनि देखिन्छ,यसलाई कसरी हेर्नुभएको छ ?

त्यस्तो छैन । यसको मतलब यो गठबन्धनबाट अर्को गठबन्धन बन्ने सम्भावना छैन ।

तपाईंले जित्ने आधारहरू के-के छन् ?

सबै पार्टी लागेका छौं । सबै जनता एकजुट छन् । जनतामा जुन उत्साह र उमंग छ, त्यो नै मैले जित्ने आधार हो ।

null

भाषा अवरोधक त बनेको छैन नि ?

कुनै अवरोधक छैन । भनिन्छ नि, लभ र वारमा भाषाले रोक्दैन । कुनै अवरोध गर्दैन । बोल्नै नजाने पनि, भाषै नबुझे पनि प्रेम त हुन्छ । भाषा त्यहाँ अवरोधक हुँदैन । यो त झन् सामाजिक र राजनीतिक गतिविधि हो, भाषाले के अवरोध गर्छ त ?

स्थानीय उम्मेदवार भएकाले हामी जित्छौं भनेर जनमत पार्टीले दाबी गरिरहेको छ । त्यसबारे के भन्नुहुन्छ ?

 हामी मधेशको मान्छे, मधेशमा जहाँ पनि स्थानीय नै हुन्छ ।

मधेशको एजेन्डा पनि विभाजित भएको हो?

मधेशको एजेन्डा विभाजित भएको छैन । मधेशमा रहेका आन्दोलनकारी शक्तिहरू विभाजन भएका हुन् । त्यसले मधेश आन्दोलनलाई केही हदसम्म नोक्सान नै पुर्‍याएको छ । त्यसलाई हामीले एक हदसम्म एकताबद्ध बनाएर अगाडि बढ्ने र सबैलाई समेटेर लाने प्रयास गरेका हौं ।

सत्तामा पुग्दा एजेन्डा बिर्सिनुहुन्छ भन्ने आरोप पनि लाग्ने गरेको छ नि !

हामी सत्तामा हुँदा संविधान संशोधनका लागि आयोग गठन गरेपछि एमाले सरकारबाट बाहिरिनुपरेको हो । एजेन्डा बिर्सिने कुरा हुँदैन ।

त्यसो हो भने संविधान संशोधन अहिले पनि तपाईंको एजेन्डा हो?

त्यो मेरो मात्र होइन, संसारकै सबैभन्दा उत्कृष्ट संविधान भन्नेहरूको एजेन्डा बनिसकेको छ ।

लोसपाका वरिष्ठ नेता राजेन्द्र महतो पनि यहाँ उम्मेदवार बन्ने चाहना राख्नुभएको थियो । तर, उहाँको पार्टीले तपाईंलाई नै समर्थन गर्‍यो । जसपा र लोसपाबीच फेरि एकता हुन लागेको हो ?

अहिले निकट भविष्यमा एकता हुने कुरा छैन । अहिले सहकार्य हुने हो । भविष्यमा पार्टी एकता पनि हुन सक्छ ।

 

 

hAMROPATRO BELOW NEWS
TATA Below
फागुन ३, २०८०

नेपाली कांग्रेसबाट धोका भएको र गठबन्धन सम्बन्धमा पुनर्विचार गर्नुपर्ने अवस्था आउन सक्ने प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डको अभिव्यक्तिले राजनीति तरंगित छ ।  माओवादीको विधा...

पुस ३, २०८०

बैतडीको झुलाघाटदेखि पाँचथरको चिवाभञ्ज्याङसम्म मध्यपहाडी यात्रा सकेर नेकपा एमालेको नेतृत्व काठमाडौं फर्किएको छ । संसद्को प्रमुख प्रतिपक्षी दल एमालेको नेतृत्वले मध्यपहाडी यात्राका दौरान सरकारको चर्को आलोचना गरेक...

चैत ३, २०८०

लेखक एवं निर्देशक प्रदीप भट्टराईका जति फिल्म प्रदर्शनमा आएका छन्, ती सबैले दर्शकको माया र समीक्षकबाट प्रशंसा पाएका छन् । ‘जात्रा’, ‘जात्रै जात्रा’, ‘शत्रुगते’ र ‘महापुरुष...

चैत ६, २०८०

बुटवल विकासका दृष्टिले काठमाडौंपछिका प्रमुख शहरमध्ये एक मानिन्छ । बुटवल धेरै क्षेत्रमा देशलाई नेतृत्वदायी भूमिका खेल्ने शहर पनि हो । २०७९ मा भएको स्थानीय तहको निर्वाचनपछि बुटवल उपमहानगरपालिकामा दोस्रो कार्यकाल...

जेठ १६, २०८०

नेकपा एमाले संसदीय दलका उपनेता सुवास नेम्वाङले आफूलाई नेपालको संसदीय अभ्यासमा अनुभवी र अभिभावकीय छवि बनाउन सफल भएका छन् । तत्कालीन संविधानसभा अध्यक्षसमेत रहेका नेम्वाङले संविधानसभासहित छ पटक व्यवस्थापिका&nd...

असोज ३, २०८०

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेपाल समाजवादी पार्टी (नेसपा)का एकजना अध्यक्ष महिन्द्र राय यादवलाई पार्टी एकताका लागि पत्र पठाएपछि नेसपामा खैलाबैला उत्पन्न भएको छ ।&nb...

ज्ञान र विज्ञानको भण्डार

ज्ञान र विज्ञानको भण्डार

बैशाख १, २०८१

एक दिन काम विशेषले नयाँ सडकतिर गएको थिएँ, मोबाइल टिङटिङ गर्‍यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

बैशाख १, २०८१

आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...

दाम्पत्य जीवनको दाम्लो

दाम्पत्य जीवनको दाम्लो

चैत २४, २०८०

दाम्पत्य जीवनको मूलभूत आधार भनेको विवाह संस्कार हो ।  यस संस्कारले उमेर पुगेका केटाकेटीलीलाई आपसमा मिलेर जीवनरथ अघि बढाउने स्वीकृति दिएको हुन्छ । यसो त संस्कारहरू धेरै छन् । तिनमा १६ संस्कार विशेष महत्व...

x