पेटमा समस्या आएका राष्ट्रपति रामचन्द्र पौडेलको भारतको नयाँदिल्लीस्थित एम्स अस्पतालमा उपचार शुरू भएको छ । 

फोक्सोको तल्लो भागमा जमेको पानी औषधिले पनि निको नभएपछि थप उपचारका लागि पौडेललाई बुधवार बिहान दिल्ली लगिएको हो । 

अस्पतालमा पेटसम्बन्धी सबै परीक्षण गरेर थप उपचारबारे निर्णय लिने जानकारी अस्पतालले गराएको पौडेलका निजी चिकित्सक निरज बमले बताए ।

नेपालमा गरिएका सबै परीक्षणलाई फेरि दोहोर्‍याएपछि थप उपचारबारे थाहा हुने अस्पतालले जनाएको छ । 

अहिले आईसीयूमा उपचाररत पौडेललाई थप परीक्षणपछि नर्मल बेडमा सारेर उपचार गरिने जानकारी बमले दिए । 

पौडेलको उपचारमा एम्स अस्पतालका प्लमोनरी, क्रिटिकल केयर तथा स्लिप मेडिसिन विभागका प्रमुख प्रा.डा. अनन्त मोहन र आईसीयू विज्ञ डा. पुनीत मिश्रको टोली संलग्न रहेको छ ।