०९ असार २०८३, मंगलबार
अन्नपूर्ण हिमालको गहिरो खोंचमा यसै साता खसेर हराइरहेका भारतीय पर्वतारोही अनुराग मालू फेला परेका छन् ।
उद्धारकर्ताहरूले उनलाई फेला पारेको उनका दाइ सुधीरले भारतीय समाचार संस्था पीटीआईलाई जानकारी दिए ।
उनको स्वास्थ्य अवस्था गम्भीर छ र अस्पताल लगिएको छ ।
३४ वर्षीय मालू राजस्थानको किशनगढका निवासी हुन् । उनी तेस्रो शिविरबाट झर्दै गर्दा सोमवार ६ हजार मिटरको उचाइबाट खसेर हराएका थिए ।
अन्नपूर्ण संसारको १०औं अग्लो हिमाल हो ।
मालूले ८ हजार मिटरभन्दा अग्ला सबै १४ वटा हिमाल चढ्ने मिसन बनाएका छन् ।
