डाबर वाटिका मिस नेपाल २०२३ को उपाधिका लागि प्रतिस्पर्धा गर्ने अन्तिम २४ प्रतियोगीहरुले बनेपास्थित डाबर नेपाल नर्सरीको भ्रमण गरेका छन् । भ्रमणमा प्रतियोगीहरुले विभिन्न वातावरणीय समस्या, त्यसको समाधान र डाबर नेपालको संरक्षण प्रयासको बारेमा जानकारी लिएका थिए । भ्रमणका क्रममा उनीहरुले विश्वस्तरीय हरितगृह सुविधाको पनि निरीक्षण गरेका थिए ।

डाबर नेपालका मार्केटिङ प्रमुख अभय गोर्खालीले प्रकृति र प्राकृतिक प्रजातिको संरक्षणका लागि युवाहरुलाई परिचय गराउन पाएकोमा खुसी लागेको बताएका थिए । डाबरले आयुर्वेदमा विगत एक शताब्दीदेखि काम गर्दै आएको र यसको ज्ञानबाट विश्वभर जडीबुटी, स्वास्थ्य, सौन्दर्य र ब्राण्डहरुको उत्पादन र बजारीकरण गर्दै आएको उनले बताए ।

‘आजका युवाहरु भोलिका कर्णधार हुन् । हामीलाई विश्वास छ, कि प्रतियोगीहरुलाई यस प्रकारको एक्सपोजरबाट उनीहरुले वातावरण र समाजमा सकारात्मक रुपमा योगदान गर्न सक्षम हुनेछन्’ उनले भने ।

डाबर नेपालका मेडिसिनल प्लान्टका प्रमुख अरविन्द राणाले दुर्लभ र लोपोन्मुख जडिबुटीको खेती गर्ने प्राविधिक ज्ञान बाँड्दै इको प्रणालीको संरक्षणमा कम्पनीको योगदान रहेकोमा जोड दिए ।

दुर्लभ र लोपोन्मुख जडिबुटीको संरक्षण गर्दै विभिन्न उत्पादनमा प्रयोग गर्दै आएको डाबर नेपालको बनेपामा अत्याधुनिक प्रविधिसहितको विश्वस्तरीय हरितगृह रहेको छ । नेपालको २४ वटा जिल्लामा संकटग्रस्त प्रजातिको प्रवद्र्घन र खेती गर्दै ५० वटा सहकारीमार्पmत् जडीबुटी खेती गरी किसानहरुको जीविकोपार्जनलाई वैकल्पिक श्रोतको रुपान्तरण दिएको छ ।

डाबर वाटिका नेचुरल्स स्याम्पु यस वर्षको मिस नेपाल प्रतियोगिताको प्रमुख प्रायोजक हो । डाबर वाटिका मिस नेपाल २०२३ को ग्राण्ड फिनाले आगामी मे २७ मा हुँदैछ ।