काठमाडौं, २४ मंसिर — दीपिका पादुकोणका बारेमा प्रशंसाका बाढी आइरहेका बेला उनकी प्रतिस्पर्धी कंगना रनावतले उनलाई पारिश्रमिकका विषयमा चुनौती दिएकी छिन् ।
दीपिकाको बलिउडकी सर्वाधिक पारिश्रमिक लिने अभिनेत्रीका रूपमा चर्चा चलेपछि कंगनाले भाउ बढाएकी छिन् । दीपिकाले पद्मावतीका लागि १३ करोड रुपैयाँ लिने हल्ला चलेपछि कंगनाले आगामी फिल्मका लागि १५ करोड रुपैयाँ लिने भएकी छिन् ।
दीपिकालाई तल पार्नैका लागि उनले निर्माताहरूलाई कस्ने निर्णय गरेको हल्ला चलेको छ ।
दीपिका र कंगनाको शीतयुद्ध लामो समयदेखि चल्दै आइरहेको छ । दीपिकाले बेस्ट एक्ट्रेस अवार्ड कंगनालाई समर्पण गरेपनि कंगनालाई फोन गरेर प्रशंसा समेत गरिनन् ।
अमिताभ बच्चन, सलमान खान, आमिर खान र प्रियंका चोपडाले फोन गरेर बधाई दिँदा दीपिकाले फोन नगरेकोमा कंगनाको चित्त दुखाई थियो ।
तर पछि उनले कंगनालाई फोन गरेर कुरा प्रस्ट पारिन् । यसका बारेमा कंगनाले मिडियासँग कुरा गर्दा भने दीपिका रिसाइन् ।
बलिउड लाइफ
