१२ असार २०८३, शुक्रबार
काठमाडौँ महानगरपालिका प्रमुख बारेन्द्र शाह (बालेन)ले उच्च अदातल पाटनको फैसलाको पूर्णपाठले टुकुचा खोलालाई प्राकृतिक स्वरूपमा खुला कायम गर्ने विकल्पलाई स्पष्ट रूपमा मान्यता दिएको बताएका छन् । आइतवार फेसबुकमार्फत् प्रतिक्रिया दिँदै उनले फैसलाको पूर्ण पाठले टुकुचा ढल होइन खोला नै हो भन्ने कुरा पुनः प्रमाणित गरेको बताएका छन् ।
अब टुकुचा खोलाको क्षेत्राधिकार भित्रको जग्गाको महानगरवासीको सर्वोत्तम हीत हुनेगरी सार्वजनिक प्रयोजनमा ल्याउनेसम्बन्धी आवश्यक प्रकृया अगाडि बढाउने उनले बताएका छन् ।
कुनै पनि नदी वा खोलाको बहाव क्षेत्र, सोको दायाँबायाँ वा माथिको जग्गा व्यक्ति विशेषको नाममा रहन नसक्ने वैधानिक मापदण्ड रहेको उनको भनाइ छ ।
फैसलाबाट टुकुचाको प्राकृतिक अधिकार पुनःस्थापन गर्ने सम्बन्धमा काठमाडौं महानगरपालिकालाई पहिलो चरणको सफलता मिलेको उनले बताएका छन् ।
