प्रतिनिधिसभा सदस्य अमरेश कुमार सिंहले ०६३ यता भएका भ्रष्टाचारबारे छानबिन गर्न अधिकारसम्पन्न उच्चस्तरीय आयोग गठन गर्न माग गरेका छन् । 
आइतबार प्रतिनिधिसभा बैठकमा बोल्दै सिंहले भने, ‘०६३ यता जतिपनि भ्रष्टाचार भएको छ ।  सबै भ्रष्टाचारको छानबिन गर्न अधिकार सम्पन्न उच्चस्तरीय  छानबिन आयोग गठन हुनुपर्छ । त्यो नभएसम्म नेपाल अघि बढ्न सक्दैन ।’

उनले नेपालीलाई भुटानी शरणार्थी बनाएर ठगी गर्ने प्रकरणमा बहालवाला सचिव नेपालको इतिहासमा पहिलो पटक थुनामा गएको उल्लेख गरे । तर, त्यो बेलाको मन्त्री कसरी चोेखे भए ? भन्दै उनले प्रश्न गरे । त्यसको नैतिक जिम्मेवारी तत्कालीन मन्त्रीले लिनुपर्ने भन्दै उनले भ्रष्टलाई जोगाउन राजनीतिमा मिलिजुली गरिए जनताले स्वीकार नगर्ने बताए । उनले यस्तो कार्यलाई यो संसदले पनि स्वीकार गर्न नसक्ने स्पष्ट गरे ।