२८ असार २०८३, आइतबार
अख्तियार दुरुपयोग अनुसन्धान आयोगले घुससहित पक्राउ परेका सव–इन्जिनियरविरुद्ध भ्रष्टाचार मुद्दा दायर गरेको छ ।
१५ हजार रूपैयाँ घुससहित पक्राउ परेका कास्कीको पोखरा महानगरपालिका वडा नं. २८ मा कार्यरत सव–इन्जिनियर प्रविन विकविरुद्ध सोमवार विषेश अदालत काठमाडौंमा मुद्दा दायर गरिएको अख्तियारले जनाएको छ ।
अख्तियारका प्रवक्ता भोला दाहालका अनुसार बाटो निर्माण कार्यमा जग्गा मिल्ने गरी बाटो लगिदिने भनी सेवाग्राहीसँग घुस मागेको सूचना एवं उजुरी निवेदनका आधारमा विक पक्राउ परेका थिए ।
आयोगको कार्यालय पोखराबाट खटिएको टोलीले उनलाई सेवाग्राहीबाट लिएको पन्ध्र हजार रुपैयाँ घुससहित गत चैत ३ गते पक्राउ गरेको थियो ।
अनुसन्धानको सिलसिलामा उनले घुस लिएको पुष्टि भएपछि विशेष अदालत काठमाडौंमा मुद्दा दायर गरिएको अख्तियारले जनाएको छ ।
