नेपाली कांग्रेसकी नेतृ आरजु राणा देउवाले अडियोको बारेमा सत्य, तथ्य सार्वजनिक गरी आवश्यक कारवाही गरी पाउँ भन्दै साइबर ब्यूरोमा उजुरी दिएकी छन् । 

आफ्नो कुनै सरोकार र जानकारी नै नभएको नक्कली भुटानी शरणार्थीका सम्बन्धमा आफ्नो नाम जोडिएको विषयमा उनले नेपाल प्रहरीको साइबर ब्यूरोमा उजुरी दिएकी हुन् ।

‘मेरो कुनै सरोकार र जानकारी नै नभएको नक्कली भुटानी शरणार्थीका सम्बन्धमा मेरो समेत नाम जोडी कुराकानी गरिएको अडियो रेकर्ड कहाँ, कसरी, कसले र के उद्देश्यले रेकर्ड गरेका हुन् । उक्त अडियोका बारेमा अत्याधुनिक प्रविधि प्रयोग गरी सत्य तथ्य व्यहोरा तत्काल सार्वजनिक गर्दै दोषी माथि कानूनअनुसार कडा भन्दा कडा कारवाही होस्,’ उनले दिएको निवेदनमा उल्लेख छ ।