२३ जेठ २०८३, शनिबार
भारतको कर्नाटक विधानसभा चुनावमा भारतीय कांग्रेसले चुनाव जित्दै स्पष्ट बहुमत ल्याउने प्रक्षेपण गरिएको छ ।
चुनावअन्तर्गत बुधवार मतदान भएको छ । चुनावमा ७२.६७ प्रतिशत मतदान भएको छ । मतदानपछि गरिएका एक्जिट पोलमा भारतीय कांग्रेस बहुमतका साथ अगाडि आउने देखिएको छ ।
कूल २२४ सदस्यीय विधानसभामा कांग्रेसले १२२–१४० सिट, भारतीय जनता पार्टी (भाजपा) ले ६२–८० सिट ल्याउने प्रक्षेपण गरिएको छ ।
प्रतिशतका हिसाबले कांग्रेसले ४२.५% र भाजपाले ३४.५% मत ल्याउने अनुमान गरिएको छ । बाँकी मत अन्य दललाई जाने भारतीय सञ्चारमाध्यमले जनाएका छन् ।
सन् २०१८ को निर्वाचनमा भाजपाले सर्वाधिक १०४, कांग्रेसले ७८, जेडीएसले ३७ सिट जितेको थियो । यसपालि कांग्रेसले भोट बढाउँदै बहुमतको सरकार बनाउने देखिएको छ ।
