अख्तियार दुरुपयोग अनुसन्धान आयोगले मध्यपश्चिम क्षेत्रीय वन निर्देशनालय, सुर्खेतका सहायक जिल्ला वन अधिकृत विष्णुकान्त मिश्रवरुद्ध भ्रष्टाचार गरेको मुद्दा दायर गरेको छ । 

उनले गैर कानूनीरूपमा ७२ लाख ५२ हजार रूपैयाँ सम्पत्ति आर्जन गरी भ्रष्टाचार गरेको भन्दै मुद्दा दायर अख्तियारले जनाएकाे छ ।

अख्तियारका प्रवक्ता भोला दाहालका अनुसार मिश्रले राष्ट्रसेवकको पदमा कार्यरत रहेको अवधिमा आफ्नी श्रीमती हिरादेवीको नाममा जग्गा किनेकाे र सो जग्गामा घरसमेत बनाएको भन्दै उक्त सम्पत्ति समेत जफत हुनुपर्ने माग दाबीसहित विशेष अदालत काठमाडौंमा मुद्दा दायर गरिएकाे छ ।