२९ जेठ २०८३, शुक्रबार
बलिउड अभिनेत्री परिणीति चोपडा र आम आदमी पार्टीका नेता राघव चड्ढाले शनिवार टीकाटालो (सगाई) गरेका छन् ।
दिल्लीको कपूरथलामा परिवारका सदस्य तथा साथीभाइको उपस्थितिमा उनीहरूले एकअर्काको औंलामा औंठी लगाइदिएका थिए ।
लामो समयदेखि डेटिङ गरिरहेको परिणीति र राघवले आफ्नो सम्बन्धलाई औपचारिकता दिन खोजेका छन् ।
टीकाटालो समारोहको भिडियोमा परिणीतिले राघवलाई हेर्दै तेरे बिना दिन नईयो लगदा भन्ने गीतमा ओठ चलाएकी थिइन् । गीत बज्दै गर्दा उनी निकै मस्तीको मूडमा थिइन् । उनको चुलबुलेपन देखेर विह्वल भएका राघवले परिणीतिको गालामा चुम्बन गरेका थिए ।
सगाई समारोहमा राघव र परिणीतिले उस्तै रंगको लुगा लगाएका थिए । परिणीतिले मनीष मल्होत्राको डिजाइनर ड्रेस लगाएकी थिइनु भने राघवले आफ्ना मामा पवन सचदेवको डिजाइन रहेको शेरवानी लगाएका थिए ।
