१९ असार २०८३, शुक्रबार
काठमाडौं, २२ भदौ — द कपिल शर्मा शोमा बम्पर र बच्चा यादवको भूमिका निर्वाह गरेर दर्शकलाई हँसाउने किकु शारदाले दुई महिनापछि शो फेरि टीभीमा आउने बताएका छन् ।
किकुका अनुसार शोको पूरै टीमले विचारविमर्शपश्चात् दुई महिनाको ब्रेक लिएका हुन् । दुई महिनापछि भने नयाँ जोशका साथ कुनै पनि ब्रेक नलिइकन शो आइरहने उनले बताए ।
किकुले भने, ‘कपिल शर्माले आफ्नो स्वास्थ्यमा ध्यान दिनुपर्ने भएको थियो । कपिल असाध्यै खटेर काम गर्छन् त्यसैले उनको स्वास्थ्यमा समस्या आउनु स्वाभाविक छ । हामी सबैले कपिललाई माया गर्ने भएकाले उनलाई दुई महिनाको ब्रेक लिन भन्यौं । उनी ठीक भएपछि पूरै टीमसहित फेरि टीभीमा फर्किनेछौं ।’
पछिल्ला केही दिनमा कपिलले स्वास्थ्य खराब भएका कारण लगातार शोको शूटिङ रद्द गर्नुपरेको थियो ।
एजेन्सी
