जेठ २९, २०८०
प्रधानमन्त्री पुष्पकमल दाहाल ‘प्रचण्ड’ भारत भ्रमणबाट फर्किएको केही दिनमै पशुपतिनाथ मन्दिरमा पुगेको विषय अहिले सर्वत्र चर्चामा छ । त्यसो त भारत भ्रमणमै छँदा प्रचण्डले गेरुवस्त्र लगाएर उज्जैनस्थित महाकालेश्वर...
काठमाडाैं | जेठ २२, २०८०
प्राध्यापक डा. जयराज आचार्यले प्रधानमन्त्री पुष्पकमल दाहाल ‘प्रचण्ड’को भारत भ्रमण फलदायी नभएको टिप्पणी गरेका छन् । देशको प्राथमिकतालाई पहिचान गर्न नसक्दा प्रधानमन्त्री चुकेको उनको टिप्पणी छ ।
‘हाम्रो अपेक्षा, प्राथमिकता तथा एजेन्डा के थियो भन्ने प्रश्नमा प्रधानमन्त्रीको भारत भ्रमणलाई हेर्नुपर्छ,’ उनले भने, ‘भैरहवामा नेपालगञ्ज रुटबाट उडान अनुमति, पर्यटन विस्तारका लागि वनारस–पोखरा–मुक्तिनाथ उडानजस्ता विषय प्राथमिकतामै परेन ।’
नेपाल–भारत प्रबुद्ध समूहले तयार पारेको ईपीजी प्रतिवेदनबारे कुरा नउठ्नुले पनि भ्रमण फलदायी भयो भन्ने अवस्था नदेखिने उनको भनाइ छ ।
‘भारतसँग पेट्रोलियम लाइन विस्तारको कुराले झन् परनिर्भरता बढाउने काम गर्यो,’ उनी थप्छन्, ‘दूरगामी नेतृत्व हो भने १० वर्षभित्र पेट्रोल शून्य देश बनाउनुपर्ने हो, यहाँ त विद्युत् बेचेर पेट्रोल लाइन विस्तार गर्ने विषयमा सहमति भयो ।’
प्रधानमन्त्रीलाई राज्यमन्त्रीले स्वागत गर्ने विषयलाई उनले ‘असन्तुलित प्रोटोकल’को संज्ञा दिएका छन् । ‘यो घट्दै गएको राजनीतिक र कूटनीटिक क्षमता प्रदर्शन हो,’ आचार्यले भने ।
प्रधानमन्त्री दाहालको भारत भ्रमणमा संयुक्त प्रेस विज्ञप्ति आउनुपर्नेमा वक्तव्य मात्रै आएको प्रति पनि उनी सन्तुष्ट देखिएनन् ।
‘दुई देशका शीर्ष व्यक्तिबीच भेट हुँदा वक्तव्य मात्रै आउनु दुःखद् कुरा हो,’ आचार्यले भने, ‘यो क्रमले पछिल्लो समय निरन्तरता पाएको छ ।’
उनले कालापानी र लिपुलेकको विवाद समाधान गर्ने विषयमा सरकारसँग स्पष्ट एजेन्डा नभएको पनि बताए । ‘यो क्षेत्र शत् प्रतिशत नेपालको भूमि हो । त्यो भूमि छाड्ने कुरै हुँदैन । तर, नेपालले कुनै हालतमा फिर्ता लिन सक्ने अवस्था पनि देखिन्न,’ उनी भन्छन्, ‘जमिनै काटेर दिने हो कि के हो ? त्यसरी दिने सम्भावना पनि छैन । धेरै दिए भने निर्बाध रूपमा बाटो प्रयोग गर्न दिए राम्रो हुन्थ्यो । प्रधानमन्त्री यसमा नै स्पष्ट भएनन् जस्तो लाग्छ ।’
नेपालको पानीमा मात्रै भारतको रुचि रहेको उनको भनाइ छ ।
‘माथिल्लो कर्णालीजस्ता आयोजना हडपेर राख्ने मात्रै रणनीति हो,’ उनी भन्छन्, ‘बिजुली उत्पादनमा गर्ने भारतको रुचि थियो भने पञ्चेश्वर आजसम्म किन बनेन ?’
भरतसँग अहिले भएका सम्झौता कार्यान्वयन हुनेमा समेत उनले आशंका व्यक्त गरे । उनले प्रचण्डको भारत भ्रमणलाई पास मार्क्स पनि दिएनन् ।
‘प्रधानमन्त्री प्रचण्डमा सतप्रतिशत राजनीतिक अपरिपक्वता देखियो । म प्रोफेसर पनि भएको नाताले १०० मा ३२ अंक पनि दिन्नँ, उहाँ फेल हुनुभयो,’ उनले भनेका छन् ।
प्रचण्डले भारतमा लगाएको गेरुबस्त्र, प्रधानमन्त्री पुत्रीसहित भ्रमण दलका सदस्यले देखाएको गैरकूटनीतिक व्यवहार तथा भारतले थप बिजुली किन्ने भनी गरेको घोषणाका सम्बन्धमा पनि आचार्यले टिप्पणी गरेका छन् ।
प्रस्तुत छ, प्रा.डा. आचार्यसँग लोकान्तरका लागि ऋषि खतिवडा र विश्वास खनालले गरेको कुराकानीको सम्पादित अंश (भिडियोमा) :
प्रधानमन्त्री पुष्पकमल दाहाल ‘प्रचण्ड’ भारत भ्रमणबाट फर्किएको केही दिनमै पशुपतिनाथ मन्दिरमा पुगेको विषय अहिले सर्वत्र चर्चामा छ । त्यसो त भारत भ्रमणमै छँदा प्रचण्डले गेरुवस्त्र लगाएर उज्जैनस्थित महाकालेश्वर...
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेपाल समाजवादी पार्टी (नेसपा)का एकजना अध्यक्ष महिन्द्र राय यादवलाई पार्टी एकताका लागि पत्र पठाएपछि नेसपामा खैलाबैला उत्पन्न भएको छ ।&nb...
नेपाली कांग्रेसबाट धोका भएको र गठबन्धन सम्बन्धमा पुनर्विचार गर्नुपर्ने अवस्था आउन सक्ने प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डको अभिव्यक्तिले राजनीति तरंगित छ । माओवादीको विधा...
नेकपा एमाले संसदीय दलका उपनेता सुवास नेम्वाङले आफूलाई नेपालको संसदीय अभ्यासमा अनुभवी र अभिभावकीय छवि बनाउन सफल भएका छन् । तत्कालीन संविधानसभा अध्यक्षसमेत रहेका नेम्वाङले संविधानसभासहित छ पटक व्यवस्थापिका&nd...
बुधवार उच्च अदालत विराटनगर पुग्दा धरान उप–महानगरपालिकाका मेयर हर्क साम्पाङ एक वकिलसहित भेटिए । मुद्दाको पेशी भएकाले उनी आफैं उपस्थित भएका रहेछन् । धरान खानेपानी विकास बोर्डको बैठक नबोलाएको भन्दै सा...
संघीय संसद्को बजेट अधिवेशन प्रारम्भ भई संवैधानिक प्रबन्धअनुसार दुवै सदनको संयुक्त बैठकमा यही जेठ १५ गते नेपाल सरकारका अर्थमन्त्रीबाट आर्थिक वर्ष २०८०/८१ को वार्षिक आय–व्यय (बजेट) प्रस्तुत भइसकेको छ । ...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...