०२ साउन २०८३, शनिबार
नेपालकै सर्वोकृष्ट भोड्का रुस्लानले उत्कृष्ट भोड्का उत्पादनको आफ्नो यात्रामा ५० औं वर्ष पार गरेको छ । सन् १९७३ मा स्थापना भएको रुस्लान स्थापनाकालदेखि नै उत्कृष्ट गुणस्तर कायम राख्दै आएको थियो ।
रुस्लानले आफ्नो ५ दशकको गौरवशाली उपलब्धिको सम्झना गर्दै आफ्नो बोतल डिजाइनलाई उत्कृष्ट, आकर्षक एवं अत्याधुनिक स्वरुप दिने भएको छ ।
कम्पनीका अनुसार हालै सार्वजनिक गरिएको नयाँ बोतल आकर्षक र पारदर्शी बनोटमा रहेको छ । जसले गर्दा बोतलमा रहेको भोड्काको शुद्धता स्पष्टसँग बाहिरबाटै अनुभव गर्न सकिन्छ ।
आधा शताब्दीदेखि रुस्लानले उपभोक्ताको सन्तुष्टिलाई निरन्तर पहिलो प्राथमिकता दिँदै आएको कम्पनीले जनाएको छ । ग्राहकको चाहनालाई मध्यनजर गर्दै सृजनशीलता र नयाँपन ब्रान्डका लागि विभिन्न समयमा परिस्कृतरुपमा उत्पादन एवं बोटलिङ गर्दै आएको रुस्लानले जनाएको छ ।
आगामी दिनमा पनि ग्राहकको चाहनालाई उच्चस्थान दिने प्रतिबद्धता जनाउँदै कम्पनीले उत्कृष्ट र आकर्षक बोतल बजारमा ल्याएको जानकारी दिएको छ ।
रुस्लान भोड्का अब ७५० एमएल, ३७५ एमएल, १८० एमएलको प्रिमियम बोतलहरूमा उपलब्ध रहेको छ ।
