२५ जेठ २०८३, सोमबार
चालु आवमा बागमती प्रदेशमा डेंगुुका ४२ हजार ४५९ बिरामी फेला परेकोमा २७ जनाको मृत्यु भएको छ ।
डेंगुुका बिरामी सबैभन्दा बढी काठमाडौंमा १४ हजार ५०० फेला परेको थियो भने सबैभन्दा कम रसुवामा रहेको बागमती प्रदेशका स्वास्थ्य मन्त्रालयका सूचना अधिकारी डा. रविन भुसालले जानकारी दिए ।
बुधवार बागमती प्रदेश स्वास्थ्य मन्त्रालयले आयोजना गरेको प्रदेशका ५ जिल्लामा डेंगुु सम्बन्धी अध्ययनको निष्कर्ष सार्वजनिक कार्यक्रममा उनले यस्तो बताए ।
कार्यक्रममा कीटजन्य रोग अनुसन्धान तथा तालिम केन्द्र हेटौंडाका जुनियर इन्टोमोलोजिष्ट दीपककुमार साहले अध्ययनको निष्कर्षबारे प्रस्तुति दिँदै २०७९ चैत १० देखि २०८० वैशाख १८ गतेसम्म अध्ययन गरिएका ५४७ घरधुरीमा १ हजार ६२३ पानी भएका भाँडा निरीक्षण गरिएकोमा १३३ घरधुरीका १७० पानी भएका भाँडामा डेंगुु फैलाउने लामखुट्टेका जीवाणु भेटिएको बताए ।
अध्ययनअनुसार डेंगुु फैलाउने लामखुट्टेका जीवाणु सबैभन्दा बढी टायरमा भेटिएको थियो भने दोस्रोमा खानेपानी ट्यांकीमा पाइएको थियो । पानीका जार, पानी भरेर राखिएका ड्रम, पानीका बोतल, गमला, रेफ्रिजरेटर लगायतमा पनि फैलाउने लामखुट्टेका जीवाणु पाइएको छ । फेला परेकामध्ये ८४५ एडिस एजिप्टाइ छ ।
घरबाहिर रहेका पानी जम्ने भाँडा र ठाउँमा डेंगुु फैलाउने लामखुट्टेका जीवाणु पाइन्छ भन्ने आम धारणा विपरीत घरभित्र भएका पानीका भाँडा र रेफ्रिजरेटरमा पनि डेंगुुको जीवाणु पाइनुले सचेत बढी हुनुपर्ने अवस्था देखिएको अध्ययनकर्ताको भनाइ छ ।
