प्रहरीको गोली लागेर किशोरको मृत्यु भएपछि फ्रान्समा देशभर हिंसा भड्किएको छ ।

प्रहरीविरुद्ध भइरहेको प्रदर्शनका क्रममा सवारीसाधनमा आगजनीदेखि तोडफोडका घटना भइरहेका छन् । प्रदर्शनकारीमध्ये केहीलाई प्रहरीेले पक्राउ गरेको छ ।

पेरिसको बाहिरी हिस्सामा कर्फ्यू लगाइएको छ भने बस सेवा बन्द गरिएको छ । मंगलवार फ्रान्स प्रहरीले ट्राफिक जाँचका लागि नरोकेको आरोपमा गोली प्रहार गर्दा १७ वर्षीय किशोर नहेल एमको मृत्यु भएको थियो । प्रहरीले उनीमाथि नजिकैबाट गोली प्रहार गरेको आरोप छ ।

आन्दोलन चर्किएपछि गोली प्रहार गर्ने प्रहरीविरुद्ध हत्याको आरोपमा मुद्दा दर्ता भइसकेको छ । तैपनि आन्दोलन थामिएको छैन ।