आज (शनिवार) तिनाउ र यसका सहायक नदीहरूमा जलसतह उल्लेख्य बढ्ने बाढी पूर्वानुमान महाशाखाले जनाएको छ । यी नदीमा जलसतह खतरा तह आसपास रहने पूर्वानुमान हुँदा तटीय क्षेत्रमा उच्च सतर्कता अपनाउन महाशाखाले आग्रह गरेको छ । 

आज रुपन्देही, कपिलवस्तु, पाल्पा, नवलपरासी (पूर्व) र नवलपरासी (पश्चिम)मा बाढीको उच्च जोखिम छ । 

यस्तै ईलाम, झापा, मोरङ, सुनसरी, मकवानपुर, चितवन, पर्सा, स्याङजा, तनहुँ, गुल्मी, अर्घाखाँची, प्युठान, दाङ, कैलाली, कन्चनपुर, डोटी, डडेल्धुरा आसपास भई बहने स-साना नदीहरूमा बहाव उल्लेख्य बढ्ने तथा केहीमा आकस्मिक बाढीको जोखिम रहेको महाशाखाले जनाएको छ । यी क्षेत्र भई बहने साना नदी तटीय क्षेत्रहरूमा उच्च सतर्कता अपनाउन पनि महाशाखाले आग्रह गरेको छ । 

साथै काभ्रेपलान्चोक, भक्तपुर, ललितपुर, काठमाडौं, सिन्धुपाल्चोक, गोरखा, लमजुङ, कास्की, पर्वत, बाग्लुङ, बाँके, बर्दिया, रोल्पा आसपास भई बहने केही स-साना नदीमा बहाव बढ्न सक्ने महाशाखाको पूर्वानुमान छ ।