१२ असार २०८३, शुक्रबार
लुक्लाबाट काठमाडौंतर्फ आउँदै गरेको मनाङ एयरको हेलिकप्टर सम्पर्कविहीन भएको छ ।
त्रिभुवन अन्तर्राष्ट्रिय विमानस्थलका महाप्रबन्धक प्रतापबाबु तिवारीका अनुसार लुक्लानजिकै सुर्कीबाट १०:०५ मा उडेको हेलिकप्टर सम्पर्कविहीन भएको हो ।
उडेको करीब ५ मिनेट (१०:१०)सम्म सम्पर्कमै रहेको हेलिकप्टर त्यसपछि सम्पर्कविहीन रहेको उनको भनाइ छ ।
'कतै अवतरण गरेको पनि हुनसक्छ, तर १०:१० बजेयता सम्पर्क स्थापित हुन सकेको छैन,' तिवारीले लोकान्तरसँग भने ।
हेलिकप्टरमा चालक दलका एक नेपाली सदस्य (पाइलट) र ५ जना विदेशी यात्रु रहेको त्रिभुवन विमानस्थलका प्रवक्ता टेकनाथ सिटौलाले लोकान्तरलाई बताए ।
