झण्डै १०० किलो सुन तस्करी प्रकरणमा संलग्न रहेको आरोपमा पक्राउ परेका ६ जनामाथि अनुसन्धान गर्न उच्च अदालत पाटनले १० दिन थुनामा राख्ने अनुमति दिएको छ ।

बिहीवार आरोपीहरूलाई अदालतमा पेश गरिएकोमा अदालतले अनुसन्धानका लागि राजस्व अनुसन्धान विभागलाई १० दिनको अनुमति दिएको उच्च अदालत पाटनका उपरजिस्ट्रार मन्दिरा शाहीले जानकारी दिइन् ।

अहिलेसम्म विभागले १ चिनियाँसहित ७ जनालाई पक्राउ गरी अनुसन्धान गरिरहेको छ । बिहीवार पक्राउ पर्नेमा चिनियाँ नागरिक जेयुङ लिन रहेका छन् । चीन जान लागेका बेला उनलाई त्रिभुवन अन्तर्राष्ट्रिय विमानस्थलबाट पक्राउ गरिएको थियो । 

अन्य पक्राउ परेकामा ट्याक्सी चालक अशोक रानामगर, भन्सार एजेन्ट राजेन्द्रकुमार राई, रेडी ट्रेड प्रालिका सञ्चालक दिलीप भुजेल, सहयोगी हर्कराज राई, थुक्पिन छिरिङ र रामकुमार भुजेल रहेका छन् । 

भन्सार पास भएर बाहिरिन लाग्दा विभागको टोलीले बुधवार राति हङकङबाट ल्याइएको झण्डै १०० किलो सुन बरामद गरेको थियो ।