२८ जेठ २०८३, बिहीबार
राजनीतिक प्रतिवेदनलाई एनजीओको रिर्पोट भनिएको बारे कांग्रेस महामन्त्री गगन थापाले केन्द्रीय सदस्य डा. आरजु देउवा राणालाई जवाफ फर्काएका छन् ।
केन्द्रीय समिति बैठकमा उठेका प्रश्नको जवाफ दिने क्रममा महामन्त्री थापाले गैर सरकारी संस्थामा काम नगरेकोले अनुभव नभएको जवाफ दिएका हुन् ।
‘प्रतिवेदनलाई एनजीओको जस्तो भन्नुभयो । एनजीओमा काम नगरेकोले अनुभव छैन’ थापाले भने । महामन्त्री थापाले पार्टीलाई जीवन्त बनाउनको लागि आफूले बोल्ने गरेको र बोल्ने बताए ।
केन्द्रीय सदस्य डा. राणा विभिन्न एनजीओमा आबद्ध रहेकाले महामन्त्री थापाले गैर सरकारी संस्थामा काम गरेको अनुभव नभएको भन्दै व्यङ्ग्य गरेका हुन् ।
