०७ असार २०८३, आइतबार
झण्डै एक महिनादेखि गुमनाम रहेका चिनियाँ विदेशमन्त्री छिन क्याङ बर्खास्तीमा परेका छन् ।
राष्ट्रपति सी चिनफिङले क्याङलाइ बर्खास्त गर्दै मंगलवार वाङ यीलाइ नयाँ जिम्मेवारी दिएका छन् । वाङ यसअघि पनि विदेश मन्त्री थिए ।
अमेरिकाका लागि चिनियाँ राजदूत रहेका वरिष्ठ कूटनीतिज्ञ क्याङलाई गत डिसेम्बरमा विदेशमन्त्रीको जिम्मेवारी दिइएको थियो ।
२०२३ को जुन महिनाको अन्त्यदेखि उनी सार्वजनिक रूपमा देखापरेका थिएनन् । क्याङलाई विदेशमन्त्रीबाट हटाइएको चिनियाँ राज्य प्रसारक सीसीटीभीलाई उद्धृत गर्दै साउथ चाइना मर्निङपोष्टले जनाएको छ ।
क्याङको अनुपस्थितिमा वाङले कूटनीतिक भेटघाट गर्दै आएका थिए । क्याङको बर्खास्ती रहष्यपूर्ण रुपमा रहेको छ । चिनियाँ मुलकी अमेरिकी टिभी एंकर फु जियोतियानसँग अफयेर्स रहेको चर्चामा आएको थियो । ती पत्रकार हङकङमा बस्दै आएकी थिइन् ।
