०८ साउन २०८३, शुक्रबार
आज (बुधवार) दार्चुला, बझाङ र बैतडी आसपास भई बहने केही स-साना नदीहरूमा बहाव बढ्न सक्ने सम्भावना छ । बाढी पूर्वानुमान महाशाखाका अनुसार यी जिल्लाका केही नदीमा आकस्मिक बाढीको जोखिम रहेको छ ।
यी जिल्ललाका नदी तटीय क्षेत्रहरूमा उच्च सतर्कता अपनाउन महाशाखाले आग्रह गरेको छ ।
साथै झापा, ताप्लेजुङ, संखुवासभा, भोजपुर, खोटाङ, ओखलढुंगा, सिन्धुली, काभ्रेपलान्चोक, सिन्धुपाल्चोक, ललितपुर, सर्लाही, महोत्तरी, धनुषा, बाग्लुङ, म्याग्दी, रुकुम पूर्व, अछाम, डोटी, डडेल्धुरा, बाजुरा, कालिकोट र आसपास भई बहने केही स-साना नदीमा बहाव बढ्न सक्ने पूर्वानुमान छ । यी क्षेत्र भई बहने साना नदी तटीय क्षेत्रहरूमा सतर्कता अपनाउन महाशाखाको अनुरोध छ ।
आगामी ३ दिन देशका प्रमुख नदीहरूमा जलसतह सामान्य रहने पूर्वानुमान रहेको छ ।
