२२ जेठ २०८३, शुक्रबार
कोशी प्रदेशका मुख्यमन्त्री उद्धव थापाले शपथ ग्रहण गरेका छन् । प्रदेश प्रमुखको कार्यालयमा प्रदेश प्रमुख परशुराम खापुङले उनलाई शपथ गराएका हुन् ।
नेपाली कांग्रेस कोशी प्रदेश संसदीय दलका नेता उद्धव थापा २६ दिनभित्रै दोस्रोपटक मुख्यमन्त्रीमा नियुक्त भएका हुन् ।
यसअघि असार २१ मा पहिलो पटक कोशी प्रदेशको मुख्यमन्त्री नियुक्त भएका थापालाई सर्वोच्च अदालतले साउन ११ गते गत बिहीवार पदमुक्त गरेको थियो ।
मुख्यमन्त्री दाबी गर्दा प्रदेशसभाका सभामुखको समेत हस्ताक्षर संलग्न गराएको विषयलाई सर्वोच्च अदालतले असंवैधानिक ठहर गर्दै उनको नियुक्ति बदर गरेको थियो ।
सभामुख बाबुराम गौतमले राजीनामा दिएर उनलाई बहुमत पुग्ने बाटो खोलिदिएका थिए । सभामुखले राजीनामा दिएपछि उनी फेरि मुख्यमन्त्रीमा नियुक्त भएका हुन् ।
