प्रमुख प्रतिपक्षी दल नेकपा एमालेको मागमा सहमति जुट्न नसकेपछि सोमवार बस्ने भनिएको प्रतिनिधि सभा बैठक पुन: स्थगित भएको छ । आज बस्ने भनिएको बैठक सूचना टाँस गरेर मंगलवार सम्मको लागि स्थगित भएको हो । 

एमालेको अडामा सत्तापक्ष सहमत हुन नसकेपछि बैठक मंगलवार दिउँसो ३ बजेसम्म स्थगित भएको हो ।

ससद् भवनस्थित सभामुखको कार्यकक्षमा सोमवार अपराह्न बसेको बैठकमा पनि एमालेले विमानस्थल भन्सार कार्यालय बाहिरबाट समातिएको सुन सम्बन्धमा उच्चस्तरीय छानबिन समिति बनाउनु पर्ने अडान राखेको थियो । जसमा सत्ता पक्षले सहमति जनाएन ।

त्यसअघि प्रमुख तीन दलका शीर्ष नेताहरूबीच सिंहदरवारमा दुई घण्टा छलफल भएको थियो । सुन तस्करीको उच्चस्तरीय छानबिन मागगर्दै एमालेले साउन १० गते प्रतिनिधि सभा अबरुद्ध गरेको थियो ।

त्यस यताका बैठक सूचना टाँसेर स्थगित हुँदै आएका छन् ।