काठमाडौंबाट भैरहवाका लागि उडेको बुद्ध एयरको जहाजमा प्राविधिक समस्या देखिएपछि पुन: त्रिभुवन अन्तर्राष्ट्रिय विमानस्थल काठमाडौं फर्काएर अवतरण गराइएको छ । 

काठमाडौंबाट भैरहवाको उडान ८५७ नम्बरको जहाजमा बिहीवार दिउँसो प्राविधिक समस्या देखिएपछि फर्काएर काठमाडौं विमानस्थलमा अवतरण गराइएको विमानस्थलका प्रवक्ता विजय ढुंगानाले लोकान्तरलाई जानकारी दिए । 

उनका अनुसार १० माइल टाढा पुगेको जहाजको इण्डिकेटरमा समस्या देखिएपछि फर्काइएको हो ।

विमानमा सवार यात्रुलाई अर्को जहाजबाट भैरहवा पठाउन लागिएको बुद्ध एयरलाइन्स्‌ले जनाएको छ । एयरलाइन्स्‌का अनुसार समस्या देखिएको जहाज नाइन एन-एएनपीलाई टेक्निकल टिमले जाँच गरिरहेको छ ।

काठमाडौंबाट भैरहवा उडान 857 मा प्राविधिक समस्यादेखिएपछि जहाजलाई काठमाडौं विमानस्थलमा अवतरण गराईएकाे छ । यात्रुलाई अर्काे जहाजबाट भैरहवा पठाउन लागिएकाे छ । साे जहाज 9N-ANP लाई हाम्रा टेक्निकल टिमले चेकजाँच गरिरहेका छन् ।

— Buddha Air (@AirBuddha) August 10, 2023