प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ अबको बाटो समाजवादी गणतन्त्र भएकाले यसका लागि बलियो शक्ति आवश्यक रहेको बताएका छन् । 

समाजवादी मोर्चा नेपालले बुटवलमा आज आयोजना गरेको लुम्बिनी प्रदेशस्तरीय सन्देशसभालाई सम्बोधन गर्दै उनले त्यही बलियो शक्ति निर्माणका लागि समाजवादी मोर्चा बनाइएको पनि स्पष्ट गरे । 

उनले अमेरिकी परियोजना अमेरिकी परियोजना मिलेनियम च्यालेन्ज कर्पोरेसन (एमसीसी)को प्रसंगमा उठेका प्रश्नको जवाफ दिँदै नेपालको राष्ट्रिय हित र स्वाधीनताका लागि अहिले पनि आफू लडिरहेको बताए । विदेशी सहयोग पनि लिने र राष्ट्रिय स्वाधीनतामा पनि सम्झौता नगर्ने गरी संसद्बाट १२ बुँदे ब्याख्यात्मक टिप्पणी गरिएको उल्लेख गर्दै प्रधानमन्त्री प्रचण्डले यसलाई सम्झौताको टिप्पणी बनाउने कि नबनाउने भनेर एमसीसीका अधिकारीसँग जानकारी लिइने बताए । 

यसैबीच, आजै एमसीसीका उपाध्यक्ष क्यामरन एस. अलफोर्ड तीन दिने भ्रमणमा लागि नेपाल आइपुगेका छन् ।

उनी आज अपरान्ह कतारहुँदै काठमाडौं उत्रिएका हुन् ।

यही भदौ १३ (बुधवार) गते अर्थ मन्त्रालयमा एमसीसी कार्यान्वयनको औपचारिक कार्यक्रम छ । जसमा सहभागी हुन एमसीसीको कम्प्याक्ट अपरेसन विभाग प्रमुख रहेका उनी नेपाल आएको बताइएको छ ।

बुधवार अर्थ मन्त्रालयमा नेपाल र अमेरिकी अधिकारीहरूबीच ‘लेटर अफ एक्सचेन्च’मार्फत एमसीसी कार्यान्वयनको घोषणा गर्ने तयारी छ ।

‘एमसीसी कार्यावन्यनको पाँच वर्षे अवधि सुरु हुनेछ’ भन्ने सहमतिअनुसार यो परियोजना कार्यान्वयन समयमा एमसीसी परियोजना सम्पन्न गर्नुपर्ने छ । नभएको त्यसको सम्पूर्ण खर्च नेपाल सरकारले बेर्होनुपर्नेछ सहमति छ ।

यता, नेपालमा भने एमसीसीलाई लिएर फेरि शंका उब्जिएका छन् । सत्तारुढ दल नेकपा (एकीकृत समाजवादी)कै अध्यक्ष माधवकुमार नेपालले यो परियोजनामाथि आज शंका गरे ।

बुटवलमा आयोजित एक कार्यक्रममा उनले परियोजनाका केही अनुचित बुँदाले बाँकी रहे नेपाली जनतालाई जानकारी गराउन प्रधानमन्त्रीलाई आग्रह गरेका थिए ।

पूर्वपूर्वप्रधानमन्त्रीसमेत रहेका नेपालले अमेरिकाले आर्थिक सहयोगका नाममा राखेका अनुचित स्वार्थ मान्न नसकिने स्पष्ट पारे । जहाँ प्रधानमन्त्री प्रचण्ड पनि सहभागी थिए ।