२२ जेठ २०८३, शुक्रबार
घाटामा सञ्चालन हुँदै आएको हेटौँडा सिमेन्ट उद्योग लिमिटेडले निजी सिमेन्ट उद्योगसँग प्रतिस्पर्धा गर्न नसकेपछि अन्ततः मूल्य घटाएको छ ।
सरकारी स्वामित्वको हेटौँडा सिमेन्ट उद्योगले प्रतिबोरा झन्डै ५० रुपैयाँ मूल्य घटाएको हो ।उद्योग पूर्ण क्षमतामा सञ्चालन हुन नसकेको, सिमेन्ट उत्पादन लागत बढ्दै गएको र मूल्यमा निजी उद्योगसँग प्रतिस्पर्धा गर्न नसक्दा उद्योग बर्सेनि घाटामा चल्दै आएको छ ।
पछिल्लो समय आर्थिक सङ्कटका कारण उद्योगले कोइला अभावलगायतका थप समस्यासमेत झेल्दै आएको खबर गोरखापत्रले छापेको छ।
