२८ जेठ २०८३, बिहीबार
जुम्लामा जिप दुर्घटना हुँदा दुई जनाको मृत्यु भएको छ ।
नाग्म–मुगु सडकखण्डको कनकासुन्दरी–४ गोडिज्यूलाबाट मुगुतर्फ जाँदै गरेको भे १ ज १०९९ नम्बरको जिप छलपुनेरामा आज बिहान दुर्घटनामा परेको प्रहरीले जनाएको छ ।
दुर्घटनामा चालक मुगुको छायानाथ रारा नगरपालिका–५ का अविराज कार्की र सहचालक सोही ठाउँकै रुपबहादुर रावलको मृत्यु भएको जिल्ला प्रहरी कार्यालय जुम्लाका प्रहरी नायब उपरीक्षक प्रह्लाद कार्कीले जानकारी दिए ।
जिप सडकबाट झन्डै तीन सय मिटर तल खसेको थियो । दुर्घटनाबारे अनुसन्धान भइरहेको प्रहरीले जनाएको छ ।
