१० साउन २०८३, आइतबार
विराटनगरमा कृष्ण जन्माष्टमीको भोलिपल्ट निकालिने राधाकृष्ण रथयात्रा शुरू भएको छ ।
विधिवत् रूपमा पूजा अर्चना गरेपछि तीनपैनी चोकस्थित राधाकृष्ण मन्दिरबाट ५५ औं संस्करणको रथयात्रा शुरू भएको हो ।
रथयात्राको दूरी कुल ९ किलोमिटर तय भएको मूल समारोह समितिले जनाएको छ ।
रथयात्राका लागि यसपटक समितिले ४३ ठाउँमा विश्राम स्थलको व्यवस्थापन मिलाएको छ ।
भारतको जगन्नाथ पुरीपश्चात दक्षिण एसियाकै दोस्रो ठूलो रथयात्रा अवलोकनका निम्ति भारतसहित नेपालका विभिन्न पालिकाका प्रमुख तथा उपप्रमुख विराटनगरमा छन् ।
यसबाहेक नेपालको कोशी र मधेश प्रदेशका साथै भारतको बिहार र पश्चिम बङ्गालसम्मका श्रद्धालु भक्तजनहरू यति बेला रथयात्रामा सहभागी छन् ।
रथयात्रामा सहभागीहरूको सुरक्षा र आपराधिक गतिविधि नियन्त्रणका निम्ति जिल्ला प्रहरी कार्यालयले हजारभन्दा बढीको संख्यामा प्रहरी परिचालन गरेको छ ।
