२० असार २०८३, शनिबार
अवरुद्ध नारायणगढ–मुग्लिन सडक खण्ड दुईतर्फी सञ्चालनमा आएको छ ।
चितवनको इच्छाकामना गाउँपालिका–६ स्थित नाम्सी पुलमा पहिरो खसेपछि एकतर्फी मात्रै सञ्चालनमा रहेको सडक मंगलवार साँझ ५ बजेदेखि दुईतर्फी सञ्चालनमा आएको हो ।
डिभिजन कार्यालय भरतपुरका सुपरभाइजर ईश्वर क्षेत्रीका अनुसार दुईतर्फी यातायात सञ्चालनका लागि करिब २ घण्टा समय लागेको थियो ।
सडक डिभिजनको तैनाथ अवस्थामा राखिएको मेसिनद्वारा पहिरो पन्छाएर सडक दुईतर्फी सञ्चालनमा ल्याइएको हो ।
यसअघि नाम्सी पुलमा आज बिहान ६ः४५ बजे सुक्खा पहिरो खस्दा सडक अवरुद्ध बनेको थियो ।
