आइएमई पेले ल्यायो अल्टिमा अनलाइन मेलामा 'एकको डबल' अफर

नेपालको पहिलो डिजिटल वालेट 'आइएमई पे'ले एकको डबल अफर सार्वजनिक गरेको छ।

असोज ३ र ४ गते सञ्चालन हुने 'अल्टिमा अनलाइन मेला'लाई केन्द्रित गरेर अफर सार्वजनिक गरिएको कम्पनीले जनाएको छ ।​

अल्टिमाले आफ्नो वेबसाइटको लन्चको अवसरलाई लक्षित गर्दै अल्टिमा अनलाइन मेला सञ्चालन गर्न लागेको हो । 

बिहान ९ देखि ११ र साँझ ६ देखि राति ८ बजेसम्म  एउटा अल्टिमा एटम ५२० वा एटम ३२० एयरबर्डस खरिद गर्ने  ५०० जना सेवाग्राहीलाई अर्को एयरबड नि:शुल्क प्रदान गर्ने  व्यवस्था कम्पनीले गरेको छ ।

कम्पनीका अनुसार अन्य अल्टिमाका ग्याजेडहरुमा आइएमई पे मार्फत भुक्तानी गर्दा २५ प्रतिशतसम्म छुट प्राप्त हुनेछ।​

अल्टिमासँगको रणनीतिक साझेदारीलाई नयाँ उचाइसम्म लैजान तथा ग्राहक वर्गलाई डिजिटल कारोबार गर्नलाई थप प्रोत्साहन गर्न फर ल्याइएको आइएमई पेका सीईओ प्रवीन रेग्मीले जानकारी दिएका छन् ।