२३ असार २०८३, मंगलबार
नेपाली कांग्रेसले आज (बिहीबार)बाट शुरू हुने केन्द्रीय समितिको बैठक प्रत्यक्ष प्रसारण (लाइभ) गर्ने भएको छ । आजको बैठक पनि लाइभ गर्न लागिएको केन्द्रीय कार्यालका मुख्य सचिव कृष्णप्रसाद पौडेलले जानकारी दिए ।
कांग्रेसले यसअघि गत साउनमा बसेको केन्द्रीय समिति बेठक पनि लाइभ गरेको थियो । ‘हामीले पहिले पनि बैठक लाइभ गरेका थियौं । आजबाट शुरू हुने बैठक पनि लाइभ हुन्छ,’ पौडेलले लोकान्तरसँग भने ।
केन्द्रीय समिति बैठक आज दिउँसो १ बजेदेखि केन्द्रीय कार्यालय सानेपामा बस्दैछ ।
आगामी मंसिर १३ देखि १५ गतेसम्म कांग्रेसको महासमिति बैठक बस्दैछ । यसै बैठकको एजेण्डा तय गर्न कांग्रेसको बैठक बस्न लागेको हो ।
बैठकमा समसामयिक राजनीति, सरकारको कार्यसम्पादन, पार्टीका आन्तरिक संरचनासहितका विषयमा छलफल हुने बताइएको छ ।
