२१ जेठ २०८३, बिहीबार
इन्स्च्यिुट अफ सर्टिफाइड म्यानेजमेन्ट एकाउन्टेन्टस (आईसीएमए) अस्ट्रेलियाले नेपाल च्याप्टरका ६६ जना सीएमए डिग्री हासिल गरेका विद्यार्थीलाई दीक्षित गरेको छ । शनिबार काठमाडौंमा आयोजित एक विशेष समारोहबीच उनीहरूलाई दीक्षित गरिएको हो ।
दीक्षित विद्यार्थीहरूलाई कार्यवाहक महालेखा परीक्षक महेश्वर काफ्लेले प्रमाण पत्र प्रदान गरे । दीक्षित विद्याथीलाई बधाई दिँदै काफ्लेले नेपालमा व्यवसायिक र दक्ष लेखा परीक्षकहरूको अभाव खड्किरहेका यसले अभाव परिपूर्ति हुने विश्वास व्यक्त गरे ।
दिक्षीत विद्यार्थीहरूको प्रशंसा गर्दै लेखा तथा व्यवस्थापन क्षेत्रमा नेपाल थप दक्षता हासिल गरेको उनले बताए ।
त्यस्तै दीक्षित विद्याथीलाई बधाई दिँदै नेपाल चार्टर्ड एकाउन्टेन्टस् संस्थाका अध्यक्ष सीए सुजन कुमार काफ्लेले यो कोर्षले कस्ट एनालाइसिस गर्न भूमिका खेल्न सहयोग पुग्ने बताए ।
त्यसैगरी नेपाल उद्योग वाणिज्य महासंघका उपाध्यक्ष सुरजकृष्ण वैद्यले लेखा तथा व्यवस्थापन क्षेत्रमा नेपाली दाजुभाइलाई थप दक्ष बनाउन आईसीएमए अस्ट्रेलियालाई महत्वपूर्ण भूमिका खेलेको बताए ।
दीक्षान्त समारोहअघि सम्पन्न भएको दुई दिने कार्यशाला गोष्ठीमा नेपालमा सीएमए शिक्षाको प्रभावकारिता र महत्वको बारेमा छलफल गरिएको थियो ।
कार्यशाला गोष्ठीमा पूर्वअर्थसचिव रामेश्वर खनाल तथा भारतबाट आएका आईसीएमए विज्ञहरूले सीएमए शिक्षाको अवस्था, आवश्यकता, प्रभावकारिता र महत्व लगायतको विषयमा कार्यपत्र प्रस्तुत गरेका थिए ।
