०२ साउन २०८३, शनिबार
नेकपा माओवादी केन्द्रका उपमहासचिव वर्षमान पुनले सामाजिक सञ्जालको चरम दुरुपयोगले समाजलाई गाँजेको बताएका छन् ।
काठमाडौंको वनस्थलीमा आइतवार हाम्रो एकता खेलकुद क्लबद्वारा आयोजित खुल्ला फुटसल प्रतियोगिताको उद्घाटन गर्दै पुनले यस्तो बताएका हुन् ।
सामाजिक सञ्जालको सही र रचनात्मक प्रयोग गर्न सकिए मुलुक, समाज र मानिसको जीवनमै परिवर्तन ल्याउन सकिने उनको भनाइ छ ।
लोकतन्त्रमा आलोचना, विरोध र खबरदारी सबै ग्राह्य भए पनि सामाजिक सञ्जाल निन्दा र भर्त्सना पोख्ने प्लेटफर्ममा विकास हुँदै गएकोप्रति पुनले चिन्ता व्यक्त गरे ।
