०३ साउन २०८३, आइतबार
नेको इन्स्योरेन्सले तनहुँको बन्दीपुर सामुदायिक अस्पताललाई आर्थिक सहयोग गरेको छ ।
देशको निर्जीवन बीमा बजारमा विगत २७ वर्षदेखि सेवा पुर्याइरहेको इन्स्योरेन्स लिमिटेडले सामाजिक उत्तरदायित्व अन्तर्गत अस्पताललाई सहयोग गरेको हो । ‘गण्डकी प्रदेशको तनहुँ जिल्ला बन्दीपुर गाउँपालिकास्थित बन्दीपुर अस्पताल (सामुदायिक अस्पताल)लाई ११ लाख रुपैयाँ सहयोग प्रदान गरिएको छ ।’ इन्स्योरेन्सद्वारा जारी विज्ञप्तिमा उल्लेख छ ।
अस्पतालको भौतिक संरचना निर्माणका लागि कम्पनीले संस्थागत सामाजिक उत्तर दायित्व अन्तर्गत रकम प्रदान गरेको हो ।
अस्पतालमा आयोजित एक समारोहमा कम्पनीका अध्यक्ष रोहितकुमार भट्टराईले बन्दीपुर अस्पताल एवं बन्दीपुर गाउँपालिकाका अध्यक्ष सुरेन्द्र थापालाई सहयोग रकमको चेक हस्तान्तरण गरेका हुन् ।
सो अवसरका कम्पनीका सञ्चालक प्रेमकुमार श्रेष्ठ तथा प्रमुख कार्यकारी अधिकृत अशोककुमार खड्कासमेतको उपस्थिति थियो ।
