३१ जेठ २०८३, आइतबार
हुम्ला सदरमुकाम सिमकोटमा जिप दुर्घटनामा परी घाइते भएका यात्रुको नेपाली सेनाको हेलिकप्टरमार्फत उद्धार गरिएको छ ।
गम्भीर घाइते तीन जनालाई उद्धार गरी केहीबेर अघि बाँकेको नेपालगन्ज लगिएको सेनाले जनाएको छ ।
सिमकोटबाट ठेहेतर्फ जाँदै गरेको बा २१ च ७३५३ नम्बरको जिप मानसरोवर मावि नजिक दुर्घटना हुँदा चालकसहित नौ जना घाइते भएका थिए ।
दुर्घटनामा गम्भीर घाइते भएका सिमकोट गाउँपालिका–२ का वडाध्यक्ष ३७ वर्षीय देवजङ बोहरा, सोही गाउँपालिका वडा नं ३ का वडाध्यक्ष ३५ वर्षीय पामा लामा र वडा नं का ४ का ध्रुर्वबहादुर शाहीलाई सेनाको हेलिकप्टरमा नेपालगन्ज लगिएको हो ।
सामान्य घाइते यात्रुको जिल्ला अस्पतालमा उपचार भइरहेको छ ।
