नेपाली चलचित्रका अभिनेता राजेश हमालले गायक रवि ओडदेखि हजाम राम ठाकुरसम्मलाई दशैंको टीका लगाइदिएका तस्वीरहरू सार्वजनिक गरेका छन् ।

मंगलवार विजया दशमी भए पनि ती तस्वीरहरू राजेशले बुधवारमात्र सामाजिक सञ्जालमार्फत सार्वजनिक गरेका हुन् ।

तस्वीरमा राजेशले पत्नी मधु भट्टराईसहित विभिन्न व्यक्तिलाई टीका लगाइदिएको देख्न सकिन्छ ।  ती व्यक्तिहरूलाई राजशसँगै मधुले पनि टीका लगाइदिएकी छिन् ।

एउटा तस्वीरमा टीका लगाइदिएपछि मधुले राजेशलाई ढोगिरहेको देख्न सकिन्छ ।

रवि नेपाल आइडल जितेर गायनमा उदाएका गायक हुन् । यता, राम राजेश, निखिल उप्रती, सौगात मल्ललगायत थुप्रै कलाकारको कपाल काट्ने गरेका हजाम हुन् ।

 हेरौं थप तस्वीर: