१३ असार २०८३, शनिबार
अमेरिकी राज्य माइनको लुइस्टन शहरमा बन्दुकधारीले ठाउँठाउँमा अन्धाधुन्ध गोली लगाउँदा कम्तीमा १६ जनाको ज्यान गएको छ । बिहीबार शहरका विभिन्न ठाउँमा बन्दुकधारीले चलाएको गोली लागेर कम्तीमा १६ जनाको ज्यान गएको अन्तर्राष्ट्रिय सञ्चार माध्यमहरूले जनाएका छन् ।
बन्दुकधारी अहिले पनि खुलेआम घुमिरहेको अमेरिकी प्रहरीलाई उद्धृत गर्दै बीबीसीले जनाएको छ । घटनामा कम्तीमा ५० जना घाइते भएको अपुष्ट रिपोर्टहरू आइरहेको समाचारमा उल्लेख छ ।
समाचारमा जनाइएअनुसार प्रहरीले मानिसहरूलाई घरभित्रै बस्न आग्रह गरेको छ । प्रहरीले यसबारे अनुसन्धान गरिरहेको समाचारमा उल्लेख छ ।
घटनाबारे राष्ट्रपति जो बाइडेनलाई पनि जानकारी दिइएको छ ।
